Тингла булбул,
Бир ажиб чах-чахга тулди гулли бустонлар бугун,
Кун келин хуснин намойиш этди осмонлар бугун,
Ё булутлардин либослар тикдилар мунчок солиб,
Бунчалар ойдин куринмиш мохи тобонлар бугун.

Нома битдим чорлабон кунгил навосин бахсига,
Етдиму гулга битилгон нома афгонлар бугун.
Куй олиб кел, гулу-гулзор, ё сахарлар насмига,
Кимда бисёрдир чаман мадхига имконлар бугун.

Кайга кунма ям яшил, топдингми бир арзир кушик,
Кайга пой боссам тириклик, котди забонлар бугун.
Сену мендин сирли куйлар шошкириб оккан арик,
Ёдима кирди окиб шавкли Зарафшонлар бугун.

Ер хидин тутганда олам борму сенда бир наво,
Менки мастмен тентираб сайрона сайхонлар бугун.
Хар яланг шохга уралган гунчалар оханграбо,
Етти рангда окадир куксимдаги конлар бугун.

Тонг сахар шабнам ёгиб, куз оламин куйдирадур,
Бокди куёш сукланиб, килди пушаймонлар бугун.
Хар дакика кашф этиб минг бир гузаллик суйдирyр,
Ахли олам завк олиб термулди хайронлар бугун.

Эй Амира, ким малакдир чин гузаллик шахрига,
Айтишиб булбул била булдингку сайронлар бугун.
Туш курурсен уртаниб богу бахоринг ажрида,
Кузни очма улдирур тегрангда вайронлар бугун.

-Нега мунгли кузларинг
Даданг кайда болажон!?
Омонми уй ичларинг,
Ойинг кайда болажон!?

-Дадам Россия кетди,
Пулимиз йук холажон.
Онам бозорга кетди
Унимиз йук холажон.

-Нега кулинг каварган,
Уришдингми болажон!?
Оёкларинг кукарган,
Тепишдингми болажон!?

-Утин чопдим тандирга
Кулим шундан холажон.
Пода бокдим адирда,
Пойим шундан холажон.

-Севасанми офтобни,
Хушларинг не болажон!?
Севасанми китобни,
Тушларинг не болажон!?

-Дарс кирарми кулокка,
Чарчаганда холажон.
Яшамасдим кишлокка,
Ухшаганда холажон.

-Энг кийин бир тилакни,
Менга айтгин болажон.
Дилингда бир истакни,
Менга айтгин болажон.

-Аммо онамга айтманг,
Имкони йук холажон.
Велосепед олсайдим...
Армоним йук холажон.

Шу ёшдан армон берган
Замон курсин болажон!
Холингни бир сурмаган,
Холанг улсин болажон!

Гудагимдай асраганим мухаббатим,
Сахарлардан сураганим саодатим,
Чакмок булиб бошим ёрган садокатим,
Жондан кечмок осон, сендан осон эмас.

Ёмонимсан, ёмон десам дилим огрир,
Тилим огрир, юриб келган йулим огрир,
Богим ичра унган бир жуфт гулим огрир,
Жондан кечмок осон, сендан осон эмас.

Кузим юмсам тунда тушлар сени кумсар,
Кунглим юмсам юзларингни кулим излар,
Нолишларим, согинчларим сендан сузлар,
Жондан кечмок осон, сендан осон эмас.

Дард тугулса остонангда узим борман.
Узим хорман, узим зорман, узим ёрман,
Куксимдаги йиглаб ётган уксик торман,
Жондан кечмок осон, сендан осон эмас.

(Углим Фирдавсга)

Чизган сувратларинг мужиза болам,
Сенда бир олам бор билмаган кайгу.
Ухлаб колганда хам кулингда калам,
Чехрангдан ёгади илохий туйгу...

***

Бир кун рассом булсанг оламга машхур,
Номингга кушилса "сохиби калам"
Сендан бир утинчим азизм бордир,
Мен усган кишлокнинг расмин чиз болам.

Изладим.., топмадим арзигувчи суз,
Тасвир этолмадим уша сувратни,
Армон оташида ингранганда куз,
Сенда сезмокдаман гудак санъатни.

***

Нурлар жилоланган осмон остида,
Олисдан куринган кум-кук тоглар бор.
Куёш макон курган тоглар пастида,
Яшил теракзорлар, узум боглар бор.

Сунг зангор адирлар, юлгунзор кенглик,
Багрини кок ёриб дарё окади.
Шундай гузалликка юз тутиб тенглик,
Бир кум-кук дарвоза масрур бокади.

Уша дарвозадан бошланар кишлок,
Кул ушлашиб яшар катор ховлилар,
Хар тонг гузалликни тутганда тулгок,
Кизарар сув буйлаб усган олулар.

Хар ховли бир кичик гуллаган бустон,
Сувлар сепилади сахар чоглари,
Ариклар четида усади райхон,
Хушбуй буй таратар кишлок боглари.

Хашам ва сохталик йирок бир гуша,
Чин кулгу, чин кайгу, тирик мухаббат.
Унда хануз бекам инсоф, андиша,
Тоза гузаллигу, шаффоф садокат.

Кирда куй бокади, дуппили бола,
Дарёга чумилиб чикарар хордик.
Тангали дунёга булмаган ошна,
Хислар улгаяди бебахо, тиник.

Туккиз дунг устига утириб хануз,
Овози борича айтади кушик.
Хануз дуппи тикар кузлари юлдуз,
Байт булиб тукилар калбидаги ишк.

Карнайлар чалинар сахар чоглари,
Элни уйготади чорлагувчи куй.
Ёйиб бутун умр ишлаб топганин,
Бу эл кишлогига туй беради, туй...

Эрта тонг саломга келар келинчак,
Харир румол ичра лоладек ёниб.
Кашта румолчалар хадя этажак,
Болалар иргишлар кувониб, ёниб.

Наврузлар бебахо, навруз бетакрор,
Думбира чалган ким, улан айтган ким
Сумалак пиширар ёш яланг бедор
Дунёда бу кадар шодлик топмадим...

Ховузга сочларин тушаб мажнунтол
Шейпон бор анорзор, олмазор ичра,
Утгану-кайтгандан сураб хол-ахвол.
Кексалар чой ичиб килар хангома.

Поёнсиз далалар... пахтазор, тутзор.
Уфкка туташади гулдор этаги,
Тиниб тинчимаган асл эли бор,
Гуллаган богидек бахор юраги...

Узун, тор сукмок бор кишлок оралаб
Мактабга туташган нурли бир дунё.
Унда хис килурсан когоз коралаб,
Олам марказида турибсан танхо.

Кишлок чеккасида кабристон бор,
Зиёратгох этган муътабар кабр.
Хузурига чорлар азиз бузруквор,
Дардлашиб топурман калбимга хузур.

Ялангоёк чопиб, товон куймаган
Йигитга ер тафти бегона болам.
Захматни курмаган, дардни туймаган,
Бахт кадрин билмайди яшаб хам бекам.

Мен сабаб айросан бебахо юртдан,
Мен сендан энг тоза хислар карздор.
Дардкаш она элдан, она Ватандан,
Углим, менинг бир жуфт углон карзим бор.

Тошларга айланган сабрим бехисоб,
Кузимда согинч бор, багримда титрок.
Менинг армонларим булганда китоб,
Рангларингга кучсин мен усган кишлок.

Наздимда узгармас дунёнинг ранги,
Узгармас шодлигу, кувонч оханги,
Узгармас умрнинг шошкин жаранги,
Нозик калб талпинган куйлар бошкадир.

Табассумлар уша, кулгулар уша,
Дилкаш нигохдаги туйгулар уша,
Дарё тушга кирган уйкулар уша,
Тошлок йулда колган уйлар бошкадир.

Гам куни ушадир, хамдард йиглайман,
Туёна йуллайман туйларга баъзан,
Менсиз утаётган - жойим билинган,
Азалар бошкадир, туйлар бошкадир.

Бунда хам окарар, кизарар осмон,
Бахорлар гуллайди бунда хам шодон,
Гул уша, нур уша, нафисдир райхон,
Куксимни тулдирга буйлар бошкадир.

Бир кун она ерга текканда кадам,
Ут теккандай эрур пойимда олам,
Кулимда булса хам шу уксик калам,
Ул дам дил чалгучи куйлар бошкадир.

Богимга кук унган кечада,
Ажал булиб кор ёгди ногох,
Узим уйда, калбим кучада,
Кор тагида чекаётир ох.

Ёлгонмиди ялтираган нур,
Яшилликни туккан харорат.
Уткинчмиди шодлигу, сурур,
Шунча осонмиди хиёнат.

Музлаётир куздаги ёшим,
Раво курди бизга кимгина,
Таъма килмай сенга, куёшим,
Жон бермокда калбим жимгина...

Севимли хофизим Шерали Жураевга.

Сен менга энг мунгли кушигингни айт
Дийдалар чертилсин рубобинг булиб,
Багрим уртанади зардобга тулиб,
Сен менга энг мунгли кушингни айт...

Топталишдан куйла, фирокдан куйла,
Озорларим олсин огрикли хилкат,
Юртдан айроликдан, иймондан суйла,
Сен менга энг мунгли кушингни айт...

Комати ёй булган элимиз бирдир,
Товонни куйдирган йулимиз бирдир,
Булбуллар рашк килган тилимиз бирдир,
Сен менга энг мунгли кушингни айт.

Карвон йулларида йиглаган келин,
Рухимда яшайди изтироб булиб,
Охим бориб сенга етмади нечун,
Тингласа кетмади тошлар хам эриб...

Интизор кут дединг, юрагим огир
Йукликка тиз чукдим, йукдир жавоби.
Ширин ёлгонларга айламай сабр,
Ютиб кетди жонни ростлик гирдоби.

Кутдим, суянгани тогларни кутдим
Ёмгирлар тиладим ёшим ювсин деб.
Мен факат кечирдим, факат унутдим
Бурилар кетдилар юрагимни еб...

Бир камдир бу олам, дардкаш одамзот,
Куз ёшлар иймонли кузларга безак,
Аммо чин дусту - ёр тополмай хайхот,
Борми пешонамда якка уртанмак...

Куйла сузга сигмас аламларимни
Танлари жимирлаб, хайрон боксинлар.
Куйла куёши йук оламларимни,
Охларим дунёни утсиз ёксинлар.

Сен менга энг мунгли кушингни айт...
Айтолсанг менданда мунглирогини.
Конимда тулгонсин аламли хасрат,
Захардай куйдирсин кунгил догини.

Сен менга энг мунгли кушингни айт,
Хушларим учсинлар охангида жим...
Дустлар окибатсиз, ётлар бешафкат,
мен факат куй билан колай хофизим.

Сен менга энг мунгли кушингни айт.

Огажоним, дилдошим менинг,
Огрикдошим, сирдошим менинг,
Гам йулида йулдошим менинг,
Сенинг нечун сочларинг оппок?

Неча бахор сени курмадим..,
Гох вактим йук, холинг сурмадим,
Расминг куриб хайрон бузладим,
Сенинг нечун сочларинг оппок?

Кузатганда хурсиниб, кучиб,
Кора сочинг кошингга тушиб,
Колган эди кузимга кучиб,
Бугун нечун сочларинг оппок?

Не десанг де мендай сингилни,
Хижронларга сотдим кунгилни,
Окартирдим суягингизни,
Сенинг нечун сочларинг оппок?

Йулларимга карайсан мушток,
Кунлар йилдай, тунларинг узок,
Киммат тушди суюкли булмок,
Сенинг нечун сочларинг оппок?

Кумсаб дийдор давраларини,
Кайтсам топиб чораларини,
Кайтаролмам кораларини,
Сенинг нечун сочларинг оппок?

Кон ютиб шому сахар умр утди кузда ёш билан,
Буйла, шабнам жовдирар этса уйин оташ билан,
Гул ёнокка кузда ёш тушса ярош сендаму айб,
Такдирим килди уйин сен каби багритош билан.

На надомат колди манда, на умидворлик, алам,
Топмадим зарра садокат бемехр йулдош билан.
Манда саргардони байтман ё фалак этгил карам,
Сийладинг паймонани сен тош киби бардош билан.

Мен шафак бирла тугулдим куксима сингди олов,
На фигон ботсам ёниб ишк уфкина куёш билан.
Какшатиб васли жахонни мен утурман бемурод,
Йулларимда йиглама ёр сен эгилган бош билан.

Ишк уйи расво букун мингбош илонлар дастидин,
Конталаш икки жигар дилкуш тиконлар дастидин,
Куй Амира вох дема нобоп гумонлар дастидин,
хайф ул сабаб топсанг фирок, сен бир асл дилдош билан.

Куз очирмай офатидин дилда хижрон уртагай,
Гох мунаввар субхидамда нурли осмон уртагай,
Токи пойим остида гулгун замин топмас куним,
Айланиб жон теграсида мингта армон уртагай.

Сигмарам богу-бахорим гул очиб дил овласа,
Тош деворлар тиркишидин бахту икбол пойласа,
Мен гариб девонаман йулимни имкон бойласа,
Изтиробдин хун ютиб калб ичра иймон уртагай.

Дарвишо бу кун надир, курдинг жафо каззобидин,
Бул кунинг ободмиди ё дуззахи аззобидин,
Бир шафоат истарам ул олами арбобидин,
Бир келиб холимни кур галвайи даврон уртагай.

Ён кангул, ут куй алам бирла жафо осмонига,
Эт хазар ул умри жондир булса ёт бустонига,
Нобакор бир заррадир тогдай Амира ёнига,
Токи нур топмас жахондир багрима жон уртагай.